Kryetari i Prishtinës, Shpend Ahmeti, është takuar me kuzhinierin e famshëm britanik Jamie Oliver, i cili ka filluar aktivizimin politik për ndryshimin e ushqimit të fëmijëve.
“Qe disa vite Jamie ka filluar aktivizmin e tij politik për ndryshimin në ushqim, posaçërisht të fëmijëve për të cilin thotë se është problemi më i madh në botë për shkak se sëmundjet e shkaktuara nga ushqimi arrijnë koston 2 trilion dollarë”, ka shkruar Ahmeti në Facebook.
“Dje ka qenë si ekspert në parlamentin britanik ku ka argumentuar për vënien e tatimit të lartë në sheqer. Qytetet e mëdha po fillojnë iniciativa për përmirësimin e ushqimit të fëmijëve. Programet e ushqimit në shkolla po shtohen e sidomos ato që lidhen me prodhim vendor, të freskët dhe të ushqyeshëm. Edhe qumështi është esencial në vend të pijeve me sheqer”.
