Një operacion i madh antidrogë në një sërë qytetesh të Italisë ka përfunduar me bilancin e shkatërrimit të një grupi të organizuar prej 33 personash, ku mes tyre ishin dhe 6 shqiptarë.
Banda trafikonte thuajse çdo lloj lënde narkotike, duke nisur nga hashashi e marijuana deri tek kokaina. Operacioni i efektivëve të policisë u krye në zonat e Milanos, Triestes, Trevisos dhe Vareses. U sekuestruan 22 kilogramë kokainë, 30 kilogramë marijuanë, 1.5 kilogramë hashash, disa armë zjarri dhe gjysmë milioni euro para cash, si dhe 11 automjet e 10 prona dhe 32 llogaritë bankare.
Operacioni i koduar “Old Story Eden” nisi pas një monitorimi të gjatë të këtij grupi i cili investonte paratë që përfitonte nga vjedhjet e pjesëtarëve të bandës në lëndë narkotike, të cilat më pas shiteshin në tregun e zi. /b.d
