Departamenti Amerikan i Shtetit ka shpallur sot “non grata”, ish-deputetin e Partisë Socialiste Aqif Rakipi, si dhe biznesmenin Ylli Ndroqi. Po ashtu në listën e të sanksionuarëve nga Departamenti i Thesarit janë edhe figura të njohura në Ballkan, si ish-kryeministri i Maqedonisë së Veriut, Nikolla Gruevski dhe Sasho Mijalkov.
Sakaq, goditja e radhës e SHBA-së u paralajmërua pak ditë më parë në studion e “Log.” në ABC. Analisti Lorenc Vangjeli deklaroi se brenda dy javëve mund të ketë persona të tjerë të shpallur “non grata”, të cilët s’do të mund të kalojnë përtej oqeanit.
Po të njëjtin paralajmërim, Vangjeli e bëri edhe në emisionin ‘Kontrast’ të Report TV.
“Në harkun e një ose 2 javëve mund të kemi persona të tjerë non grata”, tha Vangjeli.
Kujtojmë se në maj të vitit të kaluar SHBA shpalli “non grata” ish-kryeministrin Sali Berisha dhe familjen e tij, me akuzën e korrupsionit dhe minimit të demokracisë.
