Kryedemokrati Lulzim Basha ka vendosur të ndërpresë mandatin e të gjithë drejtuesve të Forumit Rinor të Partisë Demokratike, duke shpallur zgjedhje të reja për këtë strukturë.
Mirëpo, ky veprim i liderit demokrat ka shkaktuar pakënaqësi te shumë demokratë. Në faqen e PD-së në “Facebook”, ku u njoftua hapja e garës për rioganizimin dhe zgjedhjet në FRPD, pjesa më e madhe e demokratëve “masakron” Bashën në komente.
“Mos u lodh o Lulush se i bejme me kryetarin e ri zgjedhjet! Ti shko e shif naj qeverisje me Ramen se u bere hore!”
“Gjumin e mire ,flej dhe pak,bej ate qe bere me Forumin e gruas 8 vjet nje proces.”
“Felliqesira keni mor fund,jeni me keq se enveri dhe rama bashke…Rrofte Sali Berisha…”, ishin disa nga komentet.
Ndërkohë, edhe kryesia e FRPD është mbledhur në mbremje dhe ka vendosur të mos e njohë këtë vendim. Sipas të rinjve demokratë, veprimi i Bashës është hakmarrje pasi forumi iu bashkua Sali Berishës.
/b.h
