Sekretari amerikan i Shtetit, Antony Blinken do të zhvillojë këtë të dielë një takim me kryeministrin Edi Rama.
Lajmin e bën me dije DASH, përmes një njoftimi ku thuhet se takimi do të mbahet sot në Bruksel, në orën 17:30.
Ky takim vjen në një moment të rëndësishëm për vendin tonë, kur në muajin e ardhshëm pritet vendimi për hapjen e negociatave të anëtarësimit në Bashkimin Europian.
Por takimi përkon edhe me zhvillimet e rëndësishme politike mes Shqipërisë dhe SHBA, kur vetëm pak ditë më parë DASH vendosi të shpallë “non-grata” ish-kryeministrin Sali Berisha.
/a.r
