Edmond Themelko, është kryetari i parë i një prej 61 bashkive të reja në vend, bashkisë së Pustecit e cila përfaqëson komunitetin Maqedonas.
Themelko ka fitur ndaj rivalit të tij Miallaq Apostollovski i APPD.
Ka qenë ora 01:36 kur është raportuar përfundimi i votave në Pustec. Themelko mori 2076 vota dhe Mihallaq Apostollovski mori 488 vota.
Në një prononcim për Ora News pas shpalljes së fitores së tij Themelko falenderoi të gjithë banorët e zonës që i dhanë këtë mandat. Ai tha se prioritet do të jetë turizmi.
Edmond Themelok: Ju falenderoj, falenderoj mbështetësit e zonës së Prespës që më dhanë këtë mandate. Është një ditë që do mbahet mend. Nuk do jetë më komuna postec, por do jemi një nga 61 bashkitë. Do ti japim një shpresë banorëve për kushtë më të mira jetesë dhe zhvillim ekonomik më të mirë. Jam marrë me problemet e banorëve. Kemi realizuar shumë p rojekte të cilat kanë rritur besimet tek banorët. Në këtë fushatë dolëm me një program konkret ku turizmi zë një vend të rëndësishëm.
Pusteci ishte njësia administrative e cila filloi procesin e numërimit e para, këtë e raportoi edhe kryetarja e KQZ. Lefterie Luzi. /Ora/
