Një ngjarje e rëndë ka ndodhur në qytetin e Durrësit ku një fëmijë 4-vjeçar është rrëzuar nga dritarja e katit të tretë, duke u plagosur rëndë.
Ngjarja e rëndë ka ndodhur në lagjen nr. 12 të qytetit bregdetar ndërkohë i plagosur ka mbetur fëmija me inicialet M.P.
Vogëlushi ishte duke luajtur në divanin e banesës së tij.
Në një moment pakujdesie, ai është afruar pranë dritares që ndodhej afër divanit dhe është rrëzuar.
I mituri po merr trajtimet në spital por mjekët thonë se gjendja vijon të jetë tepër e rëndë.
Kjo ngjarje është referuar në prokurori nga ana e policisë si aksidentale./b.d
