Louis van Gaal ka thënë se lojtarët vijnë në Manchester për para.
Menaxheri i Manchester Unitedit, Louis van Gaal ka befasuar të gjithë kur ka thënë se lojtarët vijnë në United për para e jo për të luajtur në Evropë.
Ai e pranon se do të ishte më e lehtë për t’i bindur ata nëse kualifikohen në Ligën e Kampionëve, por e pranoi se prapë se prapë ata do të vijnë.
“Të luash në Ligë të Kampionëve është e rëndësishme për lojtarët. Por, po ashtu mendoj se Unitedi është skuadër mjaftueshëm e madhe për t’i tërhequr top lojtarët”, tha Van Gaal.
“Liga e Kampionëve do të më ndihmonte kur do të flisja gjatë verës. Por, Unitedi është aq skuadër e madhe, pagat janë të mira dhe lojtarët do të vijnë edhe nëse nuk kualifikohemi në Ligën e Kampionëve”.
Pas 32 dy xhirove Unitedi renditet në vendin e pestë me 4 pikë më pak se sa Manchester City në vendin e katërt, ndërsa sot luan kundër Tottenhamit në udhëtim, citon Express.
