Ushtarët amerikanë të cilët ndodhen në kufi me Meksikën, me automjete për të ndaluar emigrantët që vijnë nga Honduras, mund të qëllojnë këdo që mund të hedhë gurë.
Është kjo deklarata e Presidentit amerikan, Donald Trump, i cili lajmëroi dërgimin e 15 njësive me ushtarë në kufi.
“Shpresoj që jo, por janë ushtarë dhe askush nuk duhet të qëllojë me gurë drejt tyre. Nuk ka shumë dallim mes një guri të hedhur në fytyrë”, deklaroi Trump këtë të enjte.
Më tej ai tha se një dekret për emigrantët që hyjnë në SHBA nga kufiri me Meksikën, do të jetë gati gjatë javës që vjen.
“Emigrantët që po vijnë nuk janë të ligjshëm dhe nuk kanë të drejtë të kërkojnë azil. Kush dëshiron që të marrë azil, mund ta bëjë duke u paraqitur në një nga pikat ligjore hyrëse dhe nuk do të jetë ilegal. Ata që do të shkelin ligjin, nuk do të jenë më në gjendje që të hyjnë më në SHBA”, tha më tej Presidenti amerikan.
Ai shtoi se demokratët duan kufij të hapur, por tha se nuk do të lejohen.
a.ç
