Aktori i njohur Enver Petrovci ka dhënë një intervistë për median serbe “Kurir” ku ai ka shokuar me deklaratat e dhëna.
Ai i ka habitur të gjithë kru thotë se në Beograd ndihej më mirë se sa në vendin e tij, në Kosovë.
Madje ai shkon edhe më tej kur thotë se në serbisht e ka më kollaj të aktrojë, gjithçka i del më lirshëm.
Pjesë nga Intervista:
Sot thuhet me të madhe se Josip Brozi ishte diktator.
Tito ishte diktator, sepse nuk ke guxuar ta shash vetëm atë. Partinë ke mundur ta kritikosh sa kishe qejf. Sot mund të shajmë presidentë, por nuk ka kurrfarë dobie. Jetojmë në diktaturë më të madhe se atëherë.
Flisni për Kosovën?
Absolutisht. Jetojmë në diktaturë. Nuk ke siguri nëse deklaron diçka kundër pushtetit. Menjëherë je në listën e zezë, nuk ke punë. Thjeshtë, nuk ekziston.
Në Kosovë ju quajnë spiun serb.
Kur është e nevojshme, unë jam patriot, e kur nuk duhet, jam spiun serb. Nëse i kritikoj, thonë se po loboj për Serbinë. Këtë nuk e bën populli. Ata mua më don, më vlerësojnë. Dinë të thonë se jam aktor i madh dhe shqiptar, ndërsa unë e di se çfarë jam. Kurrë askush nuk më ka blerë.
Gjithmonë e kam thënë atë çfarë kam menduar. Kjo më ka kushtuar shumë herë dhe nuk më dhimbset. Kam thënë se e kam pasur mirë në Beograd. Te ne ka politikanë të cilët kanë qenë të martuar me serbe, dhe këtë e fshehin. Dikur kemi qenë më të lirë, më të sigurt, kemi punuar dhe kemi fituar më shumë.
