Kryeministri Edi Rama ka reaguar pas akuzave si të opozitës jashtëparlamentare, po ashtu edhe të presidencës mbi ndryshimet kushtetuese që komisioni i ligjeve u hapi rrugë sot.
Rama shkruan se marrëveshjen e 5 qershorit do ta zbatojnë pikë për pikë, por nëse opozita vijon me akuzat dhe sharjet marrëveshja edhe mund të rrezikohet. Nga ana tjetër për presidencën të cilët pak më parë e cilësuar si një aventurë nismën për ndryshimin e Kushtetutës, Rama shprehet se Kuvendi është sovran dhe vendos vetë, ndërsa listat e hapura i bëjnë mirë të gjithë vendit.
Po ashtu edhe njëherë u shpreh se koalicionet parazgjedhore askush nuk mund t’i ndalojë.
Reagimi i plotë i kryeministrit Rama:
Shoh agjitim në radhët e opozitēs jashtëparlametare dhe asaj presidenciale për hapin e hedhur sot në Kuvend drejt hapjes së listave! Jashtëparlamentares i kujtoj se kemi një marrëveshje e do ta zbatojmë në çdo pikë, po kjo s’do të thotë që sharjet e provokimet nuk e rrezikojnë..
Presidenciales i kujtoj se Kuvendi është sovran, i dëgjon të gjithë po vendos vetë! Dhe hapja e listave për t’i dhënë mundësi edhe qytetarëve e jo vetëm kryetarëve të zgjedhin deputetë, si dhe garantimi i përfaqësimit të grave në kushtet kur listat hapen, i bëjnë mirë vendit…
As Jashtëparlamentarja, as Presidencialja s’duhet tê merakosen për fatin e koalicioneve parazgjedhore, sepse askush nuk do t’i ndalojë të vazhdojnë ta ndajnë ombrellën e opozitës së bashkuar edhe në zgjedhje! Taksirat ta ndjekin parlamentin që e duan s’e duan është vendimmarrësi!
/e.rr
Haha haha ke vetem ca miq ,Putinin el asad DHE ERDOGAN