Policia e Fierit ka vënë në pranga ditën e djeshme një 36-vjeçar, pasi duke qenë në gjendje të dehur ka shkaktuar një aksident.
Mësohet se Gazmend Sulko, banues në fshatin Lifaj, në aksin rrugor Lushnje-Fier, në vendin e quajtur “Pushimi i shoferit” duke drejtuar automjetin tip “Benz” me targa AA 753 DE është përplasur me mjetin tip B.M.V me targa AA 760 HT me drejtues A.L, 39 vjeç, banues në lagjen “Kastriot”, Fier.
Si pasojë e përplasjes është dëmtuar Gazmend Sulko i cili ndodhet në spitalin e qytetit Lushnje nën kujdesin e mjekëve.
Gazmend Sulko ka kundërshtuar punonjësit e policisë duke mos pranuar të bëjë testin e alkoolit.
Ndërsa lidhur me ngjarjen, policia e Fierit sqaron se materialet i kanë kaluar Prokurorisë pranë Gjykatës së Shkallës së Parë Lushnje për veprat penale “Shkelje e rregullave të qarkullimit rrugor” dhe “Kundërshtim i punonjësit të policisë së rendit publik”
a.ç
