Forcat e Armatosura kanë parandaluar tragjedinë në Manati të Lezhës duke larguar nga zona e banuar 74 predha të kalibrit 150 mm.
Ministrja e Mbrojtjes, Olta Xhaçka bënë të ditur se arsenali i predhave u zhvendos për t’u asgjësuar në një poligon të posaçëm.
“Forcat e Armatosura parandaluan një tragjedi në Manati të Lezhës. Xhenierët tanë larguan nga zona e banuar 74 predha të kalibrit 150 mm, secila me peshë rreth 50 kg, sipas vlerësimeve paraprake, të Luftës së Dytë Botërore”, thekson Xhaçka.
“Arsenali i predhave u zhvendos për t’u asgjësuar në një poligon të posaçëm, ndërkohë që, prej fillimit të vitit, xhenierët e FA kanë kryer 75 operacione në të gjithë vendin, duke asgjësuar rreth 16 ton municione të rrezikshme”, përfundon ministrja e Mbrojtjes, Olta Xhaçka.
/a.r
