Ministria e Punëve të Brendshme më në fund flet për numrin e shqiptarëve të vrarë. Zëdhënësi i MPB-së së Maqedonisë, Ivo Kotevski, u shpreh ditën e sotme se gjatë luftimeve janë vrarë 14 pjesëtarë të të ashtuquajturës UÇK, ndërsa nga pala shtetërore janë vrarë 8 policë.
Po sipas Kotvskit, bëhet fjalë edhe për 37 policë të plagosur, ndërsa ai theksoi se tre nga komandantët shqiptarë janë ndaluar nga njësitet speciale.
Muhamed Krasniqi – komandant Malisheva, Mirsad Ndrecaj – komandant NATO, Sami Ukshini – komandant Sokoli, Beg Rizaj – komandant Begu, Dem Shehu – komandant Juniku janë liderët e grupit të gjithë shtetas të Kosovës”, deklaroi Kotevski
Kotevski nuk ka komentuar numrin e civilëve të vrarë, por theksoi se hetimi po vazhdon për neutralizimin e atij që ai e quajti “grup terrorist”.
