Të paktën 39 persona kanë mbetur të vdekur dhe më shumë se 70 të tjerë janë plagosur pasi një zjarr përfshiu një spital në Korenë e Jugut.
Zjarri mendohet të ketë filluar në sallën e urgjencës në Spitalin Sejong në qytetin juglindor të Miryang.
Rreth 200 pacientë ishin brenda ndërtesës në momentin që ra zjarri, raporton BBC.
Ky është zjarri më vdekjeprurës në Korenë e Jugut në pothuajse një dekadë dhe pritet që numri i viktimave të rritet pasi disa nga të plagosurit janë në gjendje kritike.
Zjarrfikësit i thanë agjensisë së lajmeve Yonhap se viktimat mendohet se kanë vdekur nga thithja e tymit, përfshirë personelin mjekësor të spitalit. Deri tani është rapostuar se një mjek dhe një infermiere janë ndër viktimat.
Zjarrfikësit kanë konfirmuar 39 viktima ndërsa policia raportoi për 41 të vdekur.
a.ç
