Një zjarr i rënë në një shtëpi në fshatin Vërdovë të Pogradecit i ka marrë jetën një 42-vjeçari.
Zjarri ka rënë rreth orës 06:00, në katin e dytë të shtëpisë në të cilën jetonte i vetëm 42 vjeçari, i cili për pasojë ka gjetur vdekjen.
Ende nuk dihen shkaqet e rënies së zjarrit, ndërsa grupi hetimor dhe shërbimet e zjarrfikëses ndodhen në vendngjarje.
“Më datë 18.01.2021, rreth orës 06:00, në fshatin Vërdovë, Pogradec, ka rënë zjarr në një banesë, në katin e dytë të së cilës jetonte i vetëm shtetasi N. Xh., 42 vjeç, i cili për pasojë ka gjetur vdekjen. Grupi hetimor dhe shërbimet e zjarrfikëses ndodhen në vendngjarje, ku po punohet për të përcaktuar shkaqet e rënies së zjarrit dhe zbardhjen e rrethanave të ngjarjes”, thotë policia.
g.kosovari
