Një makinë e parkuar është përfshirë nga zjarri mbrëmjen e kaluar në Elbasan.
Ngjarja ka ndodhur në lagjen “Çlirimi” dhe makina e djegur është tip “Porsh”, me targa AA 177 TK, në pronësi të shtetasit M.M, 34 vjeç, banues në lagjen “11 Nëntori”, Elbasan.
Sipas policisë, makina ishte e parkuar në ish-terminalin e autobusëve dhe si pasojë e flakëve mjeti ishte pjesërisht i shkrirë.
Në vendngjarje ka shkuar grupi hetimor ku nga veprimet e para dhe prononcimet e pronarit, i cili nuk ka asnjë pretendim se mjeti mund të jetë djegur qëllimisht, dyshohet se ngjarja është aksidentale (shkëndijë elektrike).
Vijon ende puna për zbardhjen e plotë të rrethanave dhe shkakut të rënies së zjarrit.
a.ç
