Një i moshuar që jetonte i vetëm në banesë ka humbur jetën tragjikisht mëngjesin e sotëm në fshatin e Ri, Njësia Administrative Sukë.
I moshuari me inicialet S. D. 82-vjeç, është djegur në banesë, pasi shtëpia u përfshi nga flakët.
Të afërmit dhe fqinjët shkuan me shpejtësi, pasi panë flakët që kishin përfshirë banesën, por të moshuarin e kanë gjetur pa jetë.
Nga veprimet e para hetimore ngjarja rezulton aksidentale.
Në vendngjarje ka shkuar grupi hetimor dhe po punon për zbardhjen e plotë të dinamikës së ngjarjes për të përcaktuar shkaqet e zjarrit.
/a.r
