Drejtori i Komunikimit në Kryeministri, Endri Fuga ka ironizuar kryetarin e PD-së, Lulzim Basha pas publikimit të artikujve në gazetat prestigjoze ‘Bild’ dhe ‘The Times’ në lidhje me lobimin në SHBA dhe dyshimet se pas tyre qëndron Rusia.
“Jo per gje, por sic thote Lulzim Basha kur e shkruan Bild eshte e vertete dhe tani Bild thote se Basha perdori 675 mije euro kunder integrimit te Shqiperise.
Ne 2019 Lulzim Basha tentoi te digjte Shqiperine duke u justifikuar me artikujt e Bild. Por 2020 filloi me faktet e Bild qe bien mbi Lulin dhe PD, te cilet paguajten mbi gjysem milione euro kunder integrimit te Shqiperise.
Ndryshe nga Lulzim Basha qe perdori artikullin e Bild per te tentuar rrezimin me dhune te qeverise legjitime, PD do e rrezonte me vote liderin qe fle, po t’i jepej mundesia e zgjedhjes. Sidomos pas artikujve te Bild e Times qe thane haptas te verteten qe Luli tenton te fshehe” shkruan Fuga.
Pas ‘The Times’, dje ishte gazeta më e madhe gjermane “Bild” që i kushtoi një artikull të posaçëm 675 mijë dollarëve të lobingut të PD-së në SHBA dhe origjinës së parave. Gazeta gjermane ka bërë një analizë të gjatë ku thuhet ndër të tjera se “gjithë këto para të paguara nga rusët për Nick Muzin për llogari të PD kanë pasur si qëllim pengimin e Shqipërisë drejt BE-së”.
Në Shqipëri gjykata pushoi akuzat për falsifikim kundër Lulzim Bashës në lidhje me dosjen e lobimit në SHBA por mediat prestigjoze ndërkombëtare vijojnë që ti kushtojnë hapësirë.
/a.r
