Ditën e sotme, në ambientet e Kryesisë së Kuvendit u zhvillua mbledhja e Aleancës së Grave Deputete e cila është një organizim vullnetar i grave ligjvënëse të të gjitha grupimeve politike të përfaqësuara në Kuvendin e Shqipërisë.
Aktualisht Legjislatura e X e Kuvendit të Republikës së Shqipërisë ka 50 gra deputete.
Qëllimi i këtij takimi ishte konstituimi i Aleancës dhe zgjedhja e kryesisë të saj.
Në këtë takim, të ftuar ishin edhe kryetarët e dy grupeve më të mëdha Parlamentare, z. Taulant Balla i grupit Parlamentar të Partisë Socialiste dhe z. Enkelejd Alibeaj i grupit Parlamentar të partisë Demokratike.
Po ashtu, i ftuar ishte edhe ambasadori i Prezencës së OSBE në Shqipëri, SH.T.Z. Vincenzo Del Monaco.
Gjatë diskutimeve, u propozuan dhe u zgjodh kryesia e Aleancës, znj. Merita Bakiu Kryetare, znj. Etilda Gjonaj, Nënkryetare dhe znj. Erisa Xhixho Sekretare./m.j
