Një stuhi e fuqishme bore do të përfshijë Shtetet e Bashkuara të Amerikës. Meteorologët parashikojnë një stuhi të fortë dëborë që do të përfshijë pjesën lindore të vendit, duke shënuar nivele rekord edhe në Washington.
Më shumë se 50 milion njerëz janë paralajmëruar për një paralizim të vendit për shkak të dëborës që pritet të nisë të premten vonë dhe do të arrijë deri në 60 cm.
Gazeta ‘Shqip’ shkruan se banorët janë paralajmëruar që stuhia e dëborës mund të shkaktojë mungesë të energjisë elektrike, bllokim të rrugëve dhe pezullim të fluturimeve. Ky paralajmërim ka sjellë edhe radhë të gjata në supermarkete dhe rafte të boshatisura.
Moti i keq ka treguar tashmë se mund të sjellë pasjoa të rënda që çojnë në vdekjen e personave, kjo pasi dy shoferë mbetën të vdekur në Karolinën e Veriut, një në Tennessee dhe një këmbësor në Maryland.
