Kishte dalë për të peshkuar, por në familje nuk çoi prenë e tij, por lajmin se kishte humbur jetën.
Një burrë nga Vau i Dejës, ka gjetur vdekjen në lumin Drin, pasditen e kësaj të enjteje.
Duke peshkuar me rrjetë, 54-vjeçari Ludovik Caka, banues në Vaun e Dejës, është rrëzuar aksidentalisht në ujë.
Për pasojë ai ka gjetur vdekjen, ndërsa trupi i pajetë është konstatuar nga banorë të zonës.
Nga veprimet e kryera rezultoi se Caka, ka pësuar infarkt për shkak të ujit të ftohtë.
Për të hedhur më shumë dritë mbi rrethanat e vdekjes së tij, materialet iu referuan Prokurorisë së Shkodrës për vlerësim. /b.d
