Ka shkuar në 4 numri i viktimave të pelegrinëve ortodoks, autobusi i të cilëve mori flakë në qytetin e Krujës. Kisha e Shën Theodhorit njofton se ka humbur jetën edhe Lina Hajdini, e cila nuk i ka rezistuar dot djegieve të rënda.
“Me hidhërim të madh, ju njoftojmë se edhe Lina Hajdini, sekretare-llogaritare e kishës sonë e humbi betejën 3-javore me plagët e marra nga zjarri i rënë në autobusin me të cilin udhëtonin te premten e 27 majit. Ajo ndërroi jetë sot në spital. Perëndia ta prehtë me të drejtët dhe familjarëve të saj tu lehtësojë dhimbjen. I përjetshëm kujtimi i saj”, njofton kisha e Shën Theodhorit, shkruan shqip.
Aksidenti tragjik ka ndodhur në datën 27 maj në Krujë ku nga 31 pelegrinë, 11 mbetën të lënduar dhe me djegie të rënda në trup.
