Shkon në një mijë e 13 numri i të vdekurve nga virusi vdekjeprurës i Wuhanit, ndërsa 42 mijë e 500 persona raportohen të infektuar në shkallë globale. Autoriteti shëndetësor në Hubei raportoi se rreth 103 persona kanë humbur jetën gjatë 24 orëve të fundit nga koronavirusi në këtë provincë, duke rritur numrin e vdekjeve në epiqendrën e epidemisë në 974.
Kjo çon numrin e përgjithshëm të vdekjeve në territorin e Kinës në të paktën një mijë e 11, duke përfshirë një në Hong Kong dhe një në Filipine.
Autoritetet në Hubei konfirmuan të hënën 2 mijë e 97 raste të reja të virusit, duke e çuar numrin e përgjithshëm të të infektuarve në rajon në 31 mijë e 728. Po ashtu, mësohet se më shumë se 25 mijë pacientë janë shtruar në spital, përfshirë një mijë e 298 të cilët janë në gjendje kritike, sipas autoritetit shëndetësor. Ndërsa, mbi dy mijë të tjerë janë shëruar dhe shkarkuar. /e.s/
