Një shtetas shqiptar ka rënë në prangat e policisë italiane në zonën e San Martinos, pasi u kap duke vjedhur në një banesë.
30-vjeçari u arrestua në flagrancë sapo ka dalë nga banesa ku kishte shkuar për të vjedhur, pasi ishte informuar se pronarët ishin larguar nga shtëpia.
Pasi u ngjit në tarracë, shqiptari hapi grilat dhe u fut brenda banesës, ndërsa filloi të gërmojë nëpër dhoma për të marrë gjithçka të vlefshme, por pa e ditur që një fqinj po shihte gjithçka dhe kishte njoftuar policinë. Shpejtësia e mbërritjes së agjentëve i lejoi ata të shihnin hajdutin të hidhej nga tarraca dhe më pas të ikte.
Në atë moment operatorët e ndoqën në këmbë, duke hyrë në një shkurre që të çon nga Albaro në zonën e San Martinos.
Ndjekja përfundoi kur i arratisuri, i ndjekur nga agjentët, përfundoi në një pikë të verbër në rrugën Lagustena.
30-vjeçari rezultoi se kishte hyrë dhe ilegalisht në Itali, ndërsa ka qenë dhe më parë i arrestuar për të njëjtën vepër penale, vjedhjen.
Atij iu gjetën një orë floriri, bizhuteri të ndryshme të çmuara dhe 980 euro cash, të cilat rezultuan të vjedhura./m.j
