Një 20-vjeçar ka humbur jetën ditën e sotme në plazhin e Durrësit, duke u mbytur në ujërat e Adriatikut. Ngjarja ka ndodhur në sektorin Apollonia në Durrës ndërsa viktima është Ismail Peposhi, nga Kukësi. Sipas të dhënave paraprake ai kishte dalë në det të hapur me një mjet lundrues, së bashku me dy shokët e tij.
Megjithatë mjeti lundrues është përmbysur, çka solli edhe vdekjen e të riut. Pavarësisht dhënies së ndihmës së parë mjekësore, 20-vjeçari gjeti vdekjen teksa po transportohej për në spital.
