Në listën e Shkodrës dy më të votuarit e PD nuk janë në listën fituese dhe me këtë ritëm me shumë mundësi do të thyejnë herësin dhe të bëhen deputet në Kuvendin e Shqipërisë. Ato janë Bardh Spahia dhe Lodovik Hasani. Në Shkodër nga 181 qendra votimi të numëruara nga 411 në total Bardh Spahia ka marrë 3711 vota preferenciale dhe Lodovik Hasani ka mattë 3451 vota. Më pas renditet Helidon Bushati, i pari në listë, me 2994 vota dhe Zef Hila me 2385 vota. PD në qarkun e Shkodrës mori 5 mandate. Ndërsa Nard Ndoka ka marrë vetëm 83 vota.
Në listën e PS, e cila mori 3 mandate në Shkodër, më i votuari deri tani është Benet Beci, i cili ka marrë 3701 vota preferenciale, e ndjekur nga pas nga Paulin Sterkaj me 2919 vota, Ilir Beqaj me 1595 vota dhe Edona Bilali me 1281 vota.
Partia e Tom Doshit PSD mori në Shkodër 2 mandate, ku më i votuari është vetë Doshi me 3045 vota preferenciale.
LSI siguroi vetëm një mandat dhe pritet që atë ta marrë i pari në listë Agron Çela, i cili ka dhe më shumë vota deri tani me 181 qendrat e votimit të numëruar duke marrë 1206 vota, ndërsa kandidatët e tjerë nuk kanë ende numrin e duhur të votave për të thyer herësin.
Në Shkodër ishte kandidate edhe Jozefina Topalli me partinë e saj të re Lëvizja për Ndryshim. Topalli nuk arriti të sigurojë mandatin për të hynë në kuvend, ndërsa deri tani ka marrë 344 vota preferencial, ndërsa kandidatët e tjerë në listë votat e tyre kanë një numër të papërfillshëm.
g.kosovari
