Qindra shkodranë kanë dalë sot në protestë, kundër masave të ndërmarra nga qeveria për t’i dhënë fund informalitetit. Kreu i Bashkimit të Sindikatave, Alfred Tukaj, i cilësoi masat e Qeverisë ndaj shkelësve si tepër të ashpra. “Ne jemi për luftën ndaj informmalitetit, por jo për masat drastike ndaj biznesit”, tha Tukaj.
Protestuesit kanë kërkuar masa më të buta nga qeveria dhe t’iu lihet më shumë kohë për formalizimin e bizneseve. Për protestën ka reaguar edhe Sali Berisha. Ai thotë se ka nisur revolucioni.
“Sot Shkodra eshte ne proteste masive ne mbrojtje te punesimit, biznesit dhe kunder politikes staliniste te qeverise, aksionit te bandave te saj. Protesta e tregtareve te Shkodres dhe qytetareve te saj, eshte revolta qytetare kunder aksionit politik, arbitraritetit te bandave te qeverise ndaj biznesit, punesimit, jeteses ne kete vend. Nga 1 shtatori, qeveria shpalli aksionin stalinist te terrorit ndaj biznesit per ti zhvatur atij qindra milion euro qe Edi Rama dhe suita e tij vjedhin çdo dite e çdo nate ne tendera, dogana, tatime. Biznismene ne mbare vendin, Shkodra nisi revolucionin demokratik si rrugen e vetme per te shpetuar bizneset tuaja nga kthetrat e mafies shteterore. Solidarizimi me qytetaret dhe bizneset e Shkodres eshte shpetimtare per ju, familjet, bizneset tuaja dhe mbare vendin! Fitore!” shkruan Berisha. (Tema)
