Shkodran Mustafi, mbrojtësi shqiptar i Arsenalit, ka prezantuar këpucët e tij të reja të futbollit në rrjetin social Instagram, ku shihet i vizatuar edhe flamuri i Shqipërisë. Përkrah flamurit të Shqipërisë është edhe flamuri gjerman, pasi që Mustafi është lojtar i kombëtares gjermane. Mustafi u transferua tek Arsenali gjatë kësaj verë, dhe është bërë i pazëvendësueshëm në mbrojtjen e këtij ekipi. Edhe futbollisti tjetër shqiptar që luan në Premier Ligë, Xherdan Shaqiri, ka mbajtur flamurin e Shqipërisë në këpucët e tij të futbollit.
