Real Madrid po interesohet për të gjetur zëvendësuesin e Sergio Ramos. Mes alternativave është edhe shqiptari Shkodran Mustafi, i cili luan me Valencia. Ai është kontaktuar nga kanali televiziv gjerman “Sport 1″, për të cilin ka pranuar se ka patur një interesim për të dhe se është i lumtur për këtë fakt.
Shkodran Mustafi është me pushime në këto momente. Interesimin e Real Madrid e ka konfirmuar edhe babai i tij Kujtimi. Për këtë çështje është pyetur nga gazeta “Bild” edhe menaxheri i lojtarit Ali Butut. Ai ka shtuar se nuk ka ende bisedime me drejtuesit madrilenë.
Menaxheri 23-vjeçarit ka sqaruar se interesimi i Barcelona ka qenë për merkaton e Janarit, pasi tani ekipi katalanas nuk mund të transferojë futbollistë për shkak të ndëshkimit nga FIFA. Shkodran Mustafi ka një kontratë të kënaqshme me Valencia, ekip me të cilin është i lidhur deri Qershor të 2019.
