Një ngjarje e rëndë ka ndodhur mëngjesin e sotëm në qytetin e Shkodrës ku shitësit e duhanit zihen me doganierët. Qytetarët kanë dërguar pamjet filmike të momentit të tensionuar, ku shitësit konfliktohen me doganierët dhe me shefin e krimit ekonomik në policinë e Shkodrës, Pjerin Lazri.
Ky i fundit ka nxjerrë pistoletën në acarim e sipër për të kërcënuar shitësit e duhanit, të cilët kërkojnë të marrin duhanin e sekuestruar.
Lazri shihet në video teksa nxjerr pistoletën, ia drejton njërit prej shitësve dhe më pas e fut sërish në brez. Ky veprim ka acaruar edhe më keq qytetarët, të cilët kanë hapur derën e makinës, kanë nxjerrë jashtë ç’ka pasur aty dhe kanë qëlluar në drejtim të shefit të krimit ekonomik.
Nxjerrja e armës nga drejtuesi i policisë është një veprim flagrant dhe në shkelje të ligjit, i cili e ndalon, mbajtjen, nxjerrjen apo përdorimin e armëve në grumbullime publike.
JOQ/d.i.
