Nga Shkodra, Kryeministri Rama ka kërkuar falje publike për dekorimin e hetuesve të At Zef Pllumit dhe Sami Repishtit. Rama tha se vitin e shkuar Ministria e Mbrojtjes ka dekoruar për 70 vjetorin e çlirimit edhe këta dy persona, që sipas tij janë dekoruar edhe vite më parë. Përmes një shpjegimi të gjatë, Kryeministri ka sqaruar se torturuesit e At Zef Pllumit e Repishtit janë dekoruar për vite me rradhë falë ish Kryeministrit Berisha, që, që në vitin 1994 ka miratuar listën e kategorisë së parë të veteranëve. Rama ka theksuar se pikërisht në këtë listë kanë qenë edhe këta dy hetues, përgjegjës për ekzekutimin e dy figurave. Rama tha se gabimi i Ministrisë së Brendshme ka qenë që nuk ka parë emrat e përveçëm të listës së kësaj kategorie veteranësh, ku sipas Kryeministrit, me urdhër të ish Presidentit Berisha, që në vitet 90 kanë hyrë “ lloj lloj skuthash”, që përfitonin edhe pensione e para shtesë nga shteti.
“I kërkoj ndjesë edhe këtyre njerëzve që janë ndier keq nga ky lajm i tillë. Kjo nuk ka ndodhur, madje e vërteta është se në kuptimin formal të përgjegjësinë ne nuk kemi gabuar as pa dashje… por ndjesa është e duhur, sepse edhe ne e qeveria jonë jemi bërë pjesë e një historie të zymtë, ku janë përfshirë lloj lloj hipokritësh e kokëtrashësh.
Torturuesit nuk a kanë marrë për herë të parë vjet shprehjen e mirënjohjes si veteranë të luftës… janë nderuar prej kohësh si veteranë të luftës, sado absurde mund t’ju duket kjo. E vërteta e hidhur është se Ministria e Mbrojtjes e ka nxjerrë listën duke ju referuar të ashtuquajturës kategori e parë… kjo do të thotë se kategoria e parë është përcaktuar me ligj shumë kohë më parë… askush nuk ka marrë mundimin që të qëmtojë emrat e përvecëm në këtë listë.. ose akoma më keq, ka bërë dë herë sytë qorr, duke lënë që të kalojnë emrat.
Në vitin 1994 është miratuar ligji që përcakton bazën e statusit të veteranëve të luftës nga Presidenti i asaj kohe. Në vitin 95 qeveria e këtij përcundnuesi të paskupullt miratoi vendimin që rregullon administrativisht këtë listë të vetenarëve. Ky Skandaloz që na shoqëron prej 25 vitesh nuk ka lënë të vdekur pa trazuar e të gjallë pa përbaltur në 25 vite me rradhë. U ka paguar prej 25 vitesh penson ekstra, çdo muaj edhe torturuesit fatkeq të Sami Repishtit e At Zef Pllumit.”- tha Kryeministri.
