Një 41-vjeçar i dënuar me 15 vjet burg nga një gjykatë italiane, u arrestua nga policia e Shkodrës. Policia thotë se finalizoi me sukses operacionin e koduar “ZGJIMI”, duke ndaluar të shpallurin në kërkim ndërkombëtar Bashkim Kubazeçaj. 41-vjeçari është banues në fshatin Shtoj i Ri, Njësia Administrative Rrethina, Shkodër.
Zyra Qendrore Interpol Tirana e ka shpallur në kërkim ndërkombëtar sepse Gjykata e Catanzaros e ka dënuar me 15 vite burg, për kryerjen e veprës penale “Shkelje të Ligjit për Drogat”, parashikuar nga nenet 81-110 190/2 i Kodit Penal Italian. Kapja dhe arrestimi provizor i tij u bë me qëllim ekstradimi drejt Italisë.
ma.me
