Të shtëna me armë në Shkodër, një i plagosur. I plagosur ka mbetur Pashko Ujka, ish kryetari i komunës së Velipojës në vitet 2011- 2015 nën siglën e PS.
Ngjarja ka ndodhur pranë shtëpisë së tij te universiteti i Shkodrës, teksa mësohet se Ujka ka marrë plagë në shtyllën kurrizore.
“Rreth orës 18:15, në lagjen “Vasil Shanto” Shkodër, në rrethana ende të paqarta është plagosur me armë zjarri shtetasi P. U., 64 vjeç, i cili ndodhet në spital nën kujdesin e mjekëve. Në vendngjarje kanë mbërritur menjëherë shërbimet e Policisë dhe vijon krehja e zonës me qëllim kapjen e autorit. Grupi hetimor nën drejtimin e Prokurorisë po vijon punën për sqarimin e rrethanave dhe zbardhjen e ngjarjes”, tha policia në njoftimin paraprak për mediat.
/b.h
