Një ngjarje e rëndë ka ndodhur pasditen e sotme në qendër të qytetit të Shkodrës, pranë teatrit Migjeni. Mësohet se pas një konflikti, Bujar Kuçi, ka plagosur rëndë me thikë nipin e tij, Mirsad Kuçi, 30 vjeç, i cili ka ndërruar jetë gjatë transportit për në spital. Ende nuk dihen shkaqet që kanë çuar në këtë ngjarje të rëndë, ndërkohë që policia ka arrestuar autorin e vrasjes. Sipas burimeve shkak i konflikti ka qenë pronësia e oborrit, ku pas një konfrontimi fizik, Bujar Kuçi, ka goditur disa herë me thikë nipin e tij 30- vjeçar.
Policia e Shkodrës ka dhënë edhe detajet e para në një informacion paraprak lidhur me krimin brenda familjes që tronditi Shkodrën sot, ku xhaxhai vrau me thikë nipin e tij.
Njoftimi:
Më datë 23.09.2017, rreth orës 15:50, ka ardhur nje telefonatë në sallën operative se në lagjen Vojo Kushi, Shkodër në afërsi të teatrit “Migjeni” pas një konflikti familjar, xhaxhai ka goditur me mjet prerës nipin i tij.
Menjëherë kanë shkuar shërbimet e Policisë ku kanë konstatuar se shtetasi Bujar Kuçi, vjeç 62, ka goditur me mjet prerës (thikë) shtetasin M. K. vjeç 33, i cili si pasojë e plagëve të marra ka gjetur vdekjen.
Falë veprimeve të shpejta të Policisë është bërë e mundur kapja dhe arrestimi në flagrancë i autorit. Po kryhen veprimet me grup hetimor për sqarimin e rrethanave të ngjarjes.
