Shënohet viktima e dytë në pak orë si pasojë e zjarrit apo shkaqeve natyrore, pas ngjarjes tragjike në Devoll ku u dogj një e moshuar.
Një burrë rreth 60 vjeç është gjetur i pajetë në lagjen “Skënderbeg”, në banesën e tij në Shkodër. Ai është gjetur i pajetë nga fqinjët, pasi burri jetonte i vetëm. 60-vjeçari punonte si rojë në një objekt.
Policia e mbërritur në vendin e ngjarjes ka nisur hetimet, ndërsa burime nga grupi hetimor thanë se dyshimet fillestare janë për vdekje natyrale.
Gjithsesi do të bëhen edhe analizat e autopsisë për të përcaktuar shkakun e vërtetë të vdekjes dhe nëse viktima ka qenë i prekur nga Koronavirusi. /e.s/
