Klubi tetovar Shkëndija po kalon në një formë të jashtëzakonshme, duke shënuar edhe njëherë fitore të thellë ndaj Dacia Chisinaut në Ligën e Evropës.
Në ndeshjen e parë Shkëndija kishte fituar 3-0, kurse sot e mposhti në udhëtim 0-4 ekipin nga Moldavia, transmeton Koha.net.
Alimi shënoi golin e parë në minutën e 32 pas asistimit nga Junior.Në minutën e 37 vendasit mbetën me një lojtar më pak në fushë kur Androniq u ndëshkua me kartonin e dytë të verdhë, gjë që ia lehtësoi punën Shkëndijës.
Një minutë para përfundimit të pjesës së parë Shkëndija e dyfishoi epërsinë përmes Juniorit, për të cilin asistoi Alimi.
Dy golat e fundit në këtë ndeshje i shënuan Zejnulai e Hasani.Shkëndija kalon në fazën tjetër pas rezultatit të përgjithshëm 7-0. (b.an)
