Bakteria e Salmonelës, e njohur si mnikrobi që shkakton shumicën e helmimeve nga ushqimi është kthyer në një agjent kundër kancerit. Shkencëtarët kanë mundur të “modifikojnë” një lloj të bakterit të salmonelës, për ta bërë atë të efektshëm në luftën kundër kancerit.
Në terma të thjeshtë, shkecëtarët i kanë shtuar këtij bakteri një proteinë të njohur si FlaB, e cila kur sekretohet shkakton një reagim të fortë të sistemit imuntar, njofton Javanews..
Ekipi ja injektoi bakterin e njohur 20 minjve laboratorikë me kancer në shtyllën kurrizore. Jung Joon Min dhe Joon Haeng Rhee, vunë re se pas 3 ditësh, pavarësisht se nga organizmi i minjve (mushkëri, mëlçi dhe shpretka) kishte dalë tashmë bakteri, nga ana tjetër, në qelizat kancerogjene, kishte një mbipopullim të Salmonelës. Pas 120 ditësh, tumori ishte zhdukur nga 11 nga 20 minjtë të cilët mbetën shëndoshë e mirë. Ata minj që nuk kishin sekretuar proteinën FlaB në trupin e tyre, përfunduan duke ngordhur për shkak të kancerit.
Të njëjtin eksperiment, shkencëtarët e bënë duke injektuar qeliza në stadin e metastazës në 16 minj, ku në 8 u trajtuan me “medikamentin” salmonela+FlaB dhe në 8 të tjerët me salmonela pa FlaB. Pas vrojtimeve, në minjtë që u injektua salmonela typhimurium (e padëmshme) pa praninë e FlaB metastazat u shpërndanë dukshëm./java/a.k
burimi: Science ; per shkrimin e plote klikoni ketu
