Komuniteti shkencor është vënë në dilemë – nëse fshirja e kujtimeve të pakëndshme nga truri në të ardhmen do të mund të shkaktojë harresën e gabimeve të rrezikshme dhe përvojës së fituar.
Shkencëtarët nga Universiteti i Torontos ishin në gjendje për të izoluar në minjtë e laboratorit “neuronet e frikës” dhe të fshijnë nga kujtimet e tyre përvojat traumatike pa ndikuar në kujtimet tjera.
Shumë shkencëtarë besojnë se një metodë e tillë mund të aplikohet në të ardhmen edhe te njerëzit, por me këtë lindin edhe shumë pyetje.
Fshirja e kujtimeve mund të jetë e dobishme për trajtimin e pacientëve që vuajnë nga çrregullime post-traumatike të stresit, dhe të varur nga droga, por në të njëjtën kohë mund të parandalojë njerëzit të mësojnë në gabimet e tyre të kryera në të kaluarën.
Edhe vetë ekspertët, të cilët janë autorë të studimit, thonë se “edhe pse diçka është e mundur, nuk do të thotë se edhe duhet bërë”.
Shkencëtarët kanë arritur në përfundim se fshirja e kujtimeve është e mundur, por shoqëria duhet të zhvillojë “kufijtë e avancuara etike”, të cilat do t’i referohen kësaj praktike.
