Violinisti i njohur Shkelzen Doli do të interpretojë live me violinën e tij në një koncert në 4 qershor ora 20.00 , me Ansamblin Popullor të TKOBAP.
Në faqen e tij ne Facebook Shkëzen Doli shkruan , “Endrra ime e fëmijërisë po bëhet realitet, Koncert me Ansamblin Shtetëror të Shqipërisë” , shkruante violinisti botëror në faqen e tij në Facebook ku ai ftonte të gjithë adhuruesit e muzikës së mirëfilltë shqiptare në sallën e Operas dhe Baletit në datën 4 qershor, ora 20.00.”
Premiera Absolute në TKOBAP , vjen nën kujdesin e veçantë të drejtorit artistik Gerti Drunga.
Koncerti me perlat e muzikes shqiptare do të jetë në dirigjimin e Vladimir Hasimit si dhe me artistet Ana Shkjezi, Matilda Bajrami , Bledar Luzi ,Artan Shabani, Alban Tahiri, Nikola Kondakci , Flogert Shatraj, Gëzim Bulcari , Skënder Gurra, Gerta Radovani, Ediola Islami . Arian Konci, Viola Baholli , Albana Leskaj , Dorina Laro ,Gezim Hysi , Albin Almeri, Fatmir Serudi ,Adratik Celmeta,Leonard Cara , Neki Kastrati .
I lindur në Shqipëri dhe i rritur në Kosovë, në një mjedis artistik, Doli e nisi rrugën e muzikës në moshë shumë të re, duke interpretuar muzikë popullore shqiptare.
Talenti i tij u zbulua nga disa muzikantë profesionistë, të cilët e ftuan të studionte në Akademinë e njohur Muzikore të Novi Sad, e cila në atë kohë ishte shkolla më e mirë e violinës në vend.
Në moshën 17-vjeçare ai fitoi çmimin e parë në Konkursin Kombëtar të Muzikantëve të Rinj në Jugosllavi, citohet Koha.
Nën drejtimin e Prof. Evgenia Chugaeva, Shkëlzen Doli ndërtoi themelet e muzikës së tij bazuar në disiplinën dhe virtuozitetin e shkollës së famshme ruse të violinës.
Shumë shpejt Vjena u kthye në shtëpinë e tij të re artistike dhe aty vlerësohet jo vetëm për shkathtësinë e tij me instrumentin e violinës, por gjithashtu për njohuritë e tij të gjera mbi muzikën autoktone ballkanike dhe të pjesës lindore të Mesdheut.
Përveç interpretimeve të shumta si solist, Shkëlzen Doli ka interpretuar me formacione shumë të njohura të muzikës së dhomës në Filarmoninë e Vjenës, si p.sh “Wiener Virtuosen”, “Toyota Master Players”, “The Philharmonics”, si dhe të muzikës kontemporane si “Ensemble Wiener Collage”.
Gjithashtu ai ka zhvilluar shumë turne në Europë, Amerikën e Veriut, Afrikë, Izrael dhe Japoni. Shkëlzen Doli së fundmi ka ngritur grupin e tij të muzikës së dhomës; i bazuar në një kuartet piano “Philharmonic Ensemble – Vienna”. (b.an)
