Shkëlzen Berisha refuzon të bëjë betimin në komisionin hetimor për aferën e privatizimit të CEZ. Kjo është hera e dytë që ai refuzon të betohet. Ndonëse i është lexuar 2 herë formula e betimit, Berisha ka refuzuar të betohet. Kreu i komsionit Taulant Balla i ka kujtuar Berishës edhe dispozitat ligjore në rast të refuzimit të betimit që shkon nga gjobë në 1 vit burg. Në këto caste komisioni ka ndërprerë për pak minuta mbledhjen e tij.
Në ndihmë të Berishës kanë qenë edhe deputetët e PD-së të cilët nuk kanë ngurruar të lëshojnë deri dhe fjalë të ndyra në adresë të deputetëve të PS. Fjalori i pisët, të cilin për arësye etike nuk po e shkruajmë, është përdorur nga deputeti i PD, Arben Ristani në adresë të deputeti Ulsi Manja. Pas largimit nga komisioni hetimor Berisha deklaroi se ka bërë padi penale në adresë të Romeo Karajt, i cili, sipas djalit të ish kryeministrit, “është burimi i shpifjes për të cilën kërkohet të dëshmojë edhe në komisionin hetimor”.
ma.me
