Shkëlzen Berisha, djali i ish-Kryeministrit Sali Berisha ka ironizuar ekspozitën e Edi Ramës në Mynih të Gjermanisë. Përmes një postimi në rrjetet sociale, Shkëlzen Berisha thekson se një pikturë e Ramës kushton 1500 euro ndërkohë që një shqiptari i ofrohen 1300 euro nga shteti gjerman për t’u kthyer andej nga ka ardhur.
Postimi i Shkëlzen Berishës:
“1500 euro nje pikture, 1300euro nje shqiptar. Nderkohe qe numri i azilkerkuesve shqiptare ne Gjermani vetem per 2015 po shkon drejt 50.000, kryeministri jo vetem nuk ka shkuar kurre ti takoje e degjoje per arsyet qe i shtyjne te largohen dhe kushtet ku akomodohen, por ka vendosur te çele nje ekspozite vetiake pikture, pikerisht ne vendin me numrin me te madh te azilkerkuesve shqiptare ne BE. Ne fakt, Rama ka hapur shume ekspozita njeheresh ne gjithe Gjermanine, por vetem ne njeren syresh ekspozon punet e tij si piktor. Ne pjesen me te madhe te ekspozitave te shperndara ne te kater anet e Gjermanise, atyre qe kane dhjetera mijera “punime” e me mijera vizitore, staf, punonjes sigurie e mbi te githa vemendje mediatike kombetare dhe nderkombetare, ekspozohen dhimbshem para gjithe botes “punet” e Rames si kryeminister. Sipas raportimeve, nje pikture e Rames ne ekspoziten e tij si piktor shitet 1500euro, ndersa nje shqiptari ne ekspozitat e Rames si kryeminister i ofrohen 1300euro nga shteti gjerman, per t’u kthyer andej nga ka ardhur. E di qe punimet e tij si piktor per momentin shiten pak me shume se “punimet” e tij si kryeminister, por keto te fundit jane me te shumta ne numer dhe te ekspozuara kudo. Mbase eshte momenti te kuptoje se “fiton” me shume duke mbyllur ekspozitat e tij si kryeminister, sesa duke çelur ato si piktor”
