Gjykata Kundër Krimit të Organizuar dhe Korrupsionit ka dënuar me 2 vite e 6 muaj burg Eduard Strugajn, ish-drejtorin e burgut 313 në kryeqytet.
Fajtorë janë shpallur dhe dy vartësit e tij, Florin Ahmetaj që u dënua me 4 vite burgim dhe Ervin Kurtulla i dënuar me 3 vjet burg.
Gazetarja e Klan News, Glidona Daci njofton se gjykata vendosi gjithashtu që Eduard Strugaj dhe Florin Ahmetaj nuk kanë të drejtë të ushtrojnë funksione publike për 5 vjet.
Ata akuzohen për abuzimet me tenderat në burgun 313 për dhënien në përdorim të dyqanit brenda burgut kundrejt një shume monetare duke favorizuar një subjekt.
Florin Ahmetaj ishte shefi i logjistikës në burg, ndërsa Ervin Kurtulla përfaqësuesi i firmës që do të përfitonte.
/a.r
