Pasi theu rregullin e grupit të PD-së duke shkuar në Kuvend, deputetja Rudina Hajdari ka thyer heshtjen duke sqaruar situatën.
Përmes një postimi në ‘Facebook’ Hajdari tha se nuk e kishte thyer ajo rregullin, ndërsa shtoi se ajo thjesht kishte bërë detyrën si deputete.
“Nuk e theva unë rregullin, rregulli u thye që në 10 të mëngjesit, me ardhjen e opozitës në Kuvend. Unë thjesht bëra detyrën time.”, shkruan Hajdari.
Hajdari shkeli sot vendimin e grupit të selisë blu, që në Kuvend të merrnin pjesë vetëm 4 deputetë.
Por, kjo nuk e ndali Hajdarin që të ishte pjesë e seancës, madje nuk nguroi që të merrte aty edhe fjalën.
/a.rada
