Kreu i grupit parlamentar të PD, Enkelejd Alibeaj në seancën plenare të Kuvendit shprehu shqetësimin për mospranimin e dy kërkesave të opozitës. Alibeaj tha se kanë ridepozituar kërkesën e tyre për ngritjen e komisionit hetimor për investimet strategjke. Ai tha se në Konfërencën e Kryetarëve është shkelur rregullorja e Kuvendit, pasi kjo kërkesë nuk u përfshi në rend dite.
“Bëhet fjalë për ngritjen e komisionit hetimor për investimet strategjike. Ishte çudi se përse nuk është përfshirë në mbledhjen e djeshme të Konferencës së Kryetarëve. Me shpresën që konferenca të mblidhet sërish”, tha ai.
Alineja u shpreh se e njëjta gjë është ndjekur edhe me kërkesën e tyre për mocion me debat për gjenocidin serb në Kosovë. Sipas tij është shkelur në mënyrë flagrante rregullorja e Kuvendit.
“E dyta ka të bëjë me kërkesën për rezolutën për mocion me debat për gjenocidin në Kosovë. Është një kërkesë të cilën e kemi depozituar sipas të gjitha rregullave, arsyeja që s’kishte shpjegim është fakti që neni 98 përcakton që në mbledhje më të parë të përfshihet në rendin e ditës dhe të mblidhet konferenca. Nuk është mbledhur sipas afatit. Edhe dje nuk e përfshitë në rendin e ditës. Besoj që kjo është një shkelje flagrante e rregullores. Këto ishin shkaqet për të cilat nuk ramë dakord”, tha ai.
g.kosovari
