Shqiptarët përdorin mënyra të ndryshme kundrejt shumave të mëdha të parave, për të ikur në Angli. Ndaj është rritur numri i bandave kriminale që merren me trafikimin e emigrantëve.
Pas shumë bandave të shkatërruara në Francë dhe Holandë, edhe policia spanjolle ka asgjësuar një rrjet të trafikut të shqiptarëve drejt Britanisë. Tre persona janë vënë në pranga në Ishujt Canary të Sanjës, ndërsa mësohet se 67 anëtarët e kësaj bande janë ndaluar dhe po mbahen në paraburgim.
Rrjeti trafikonte shtetas shqiptarë drejt Britanisë së Madhe përmes falsifikimit të dokumenteve, kundrejt shumave të mëdha monetare. Mësohet se autoritetet spanjolle kanë sekuestruar 300 Karta Identiteti dhe pasaporta.
Operacioni policor është zhvilluar nga Policia spanjolle në bashkëpunim me policinë gjermane dhe greke, të koordinuara nga Europol.
“Kemi zbuluar një grup kriminal që dërgonte shtetas shqiptarë në Angli përmes dokumenteve të falsifikuara, greke apo qipriote”, tha një zëdhënës i policisë spanjolle.
Organizata kriminale merrej vetëm me kontrabandimin e qytetarëve shqiptarë në Mbretërinë e Bashkuar .
a.ç
