Policia italiane ka arrestuar gjashtë persona, të dyshuar se po përgatisnin akte terroriste në trekëndëshin Lecco, Varese, Milano. Shumica janë marokenë me nënshtetësi italiane, disa prej të cilëve kishin marrë urdhër të prerë për të goditur Italinë.
Celula u shkatërrua sot në mëngjes, teksa përgjimet e zbardhura që janë bërë gjatë hetimit, tregojnë se personi kryesor i kësaj celule është regjistruar duke thënë se do të “sulmonte Vatikanin dhe ambasadën e Izraelit, ndërsa armët do t’ia siguronte një shqiptar”, sepse në tregun e brendshëm “nuk mund t’i gjente”.
“Për këta armiq betohem, se nëse më siguroni familjen, betohem se do të jem i pari që do të sulmonte Italinë kryeqtare, betohem se do të sulmoj Vatikanin, me vullnetin e Zotit” ka thene ai.
Në përgjimin e bisedës mes Abderrahim Moutaharrik dhe Mohamed Koraichi, të dy të arrestuar gjatë operacionit antiterrorizëm dëgjohet Moutaharrik teksa shprehet se “dëshira ime është që të bëj një atentat në ambasadën e Izraelit, dhe kam kontaktuar me një shqiptar për të na siguruar armët, pasi këtu nuk i gjen dot”.
