Policia spanjolle shkatërron një bandë droge në qytetin e Lleidas.
Në prangat e policisë kanë përfunduar 20 persona shumica prej tyre me kombësi shqiptare, por ka edhe tre spanjollë dhe rumunë.
Gjatë kontrollit në banesa dhe ambiente të ndryshme, policia gjeti dhe sekuestroi rreth 5000 bimë marijuanë, 15 kg të kësaj lënde narkotike dhe para cash.
Mediat atje shkruajnë se banda ishte mjaft e organizuar sa i përket hierarkisë duke nisur nga drejtuesit e saj e deri tek kopshtarët që jetonin në plantacionet dhe kujdeseshin për kultivimin e lëndëve narkotike.
Sipas mediave vendase, hetimi ka nisur rreth një vit më pare dhe konsiderohet si një nga operacionet më të mëdha kundër trafikut të drogës në këto vitet e fundit.
/s.f
