Përballë aksioneve të shumta antikanabis të Policisë së Shtetit, kultivuesit e drogës po praktikojnë masivisht një formë të re, atë të kultivimit të bimve narkotike në sera.
4 sera me 11.193 bimë të llojit kanabis sativa u asgjësua nga Policia e Beratit, ndërkohë gjatë këtij aksioni, u vu në pranga një punonëjs i uniformave blu.
Shërbimi për Çështjet e Brendshme, prangosi efektivin Ilir Jaho, me detyrë trupë shërbimi pranë Sektorit të Qarkullimit Rrugor në Berat.
Ky shtetas është njëri prej bashkëpunëtorëve për kultivimin e lëndës narkotike të asgjësuar në fshatin Lapardha 2.
Ndërkohë, në kërkim janë shpallur edhe shtetasit:
– J.J., banues në Lapardha
– K.J., banues në Lapardha, dhe po punohet për ndalimin e tyre.
Hetimet po vijojnë, nëse ka persona të tjerë të përfshirë në këtë aktivitet kriminal.