Presidenti Volodymyr Zelensky njoftoi sot se ekipet e kërkim-shpëtimit, kanë nxjerrë të gjallë 130 persona nga rrënojat e teatrit të Mariupolit, e cila u shkatërrua nga raketat ruse.
Në një konferencë televizive, Zelensky tha se operacionet e kërkim-shpëtimit janë duke vazhduar, duke shtuar se qindra persona të tjerë kanë mbetur të bllokuar nën rrënoja.
Deri më tani, nuk ka ende një shifër të saktë mbi numrin e viktimave. Teatri i Mariupolit u godit disa ditë më parë nga një raketë ruse.
Brenda godinës, sipas mediave ukrainase, ishin strehuar 1300 persona. Pas shkatërrimit, Italia ka shprehur vullnetin për ta rindërtuar teatrin, pas përfundimit të luftës.
/b.h
